ပျောက်စေချင်သော မေ ၃၁

နွေကို နှုတ်ဆက်.. မိုး ဝင်ရောက်လာတဲ့ ဒီလိုအချိန်ဟာ လွမ်းမောစရာ ရှိခဲ့ဖူးသူအတွက်တော့ အလွမ်းတွေကို ပံ့ပိုးပေးနေသလိုပင်.. မေ တဲ့.. နွေရဲ့ နောက်ဆုံးလပေါ့.. မှတ်မှတ်သားသားပါပဲ.. ရာသီဥတု နှစ်မျိုးနဲ့ လရယ်လို့ မှတ်သားဖူးခဲ့တယ်.. လဆန်းမှာ အလွန်ပူပြင်းသလောက် လကုန်ပိုင်းမှာ အလွန်စွတ်စိုအေးချမ်းတဲ့ ရာသီဆီ ကူးပြောင်းတာမျိုးပေါ့.. ထူးထူးခြားခြား ဒီ မေ မှာ မုန်တိုင်းတွေလဲ ဖြစ်တတ်သတဲ့..

သဘာဝက တိုက်လာတဲ့ မုန်တိုင်းက ကိုယ်တို့ လူသားတိုင်းကို ထိခိုက်ဆုံးရှုံးမှုတွေ ရရှိစေခဲ့သလိုမျိုး ကိုယ့်အပေါ်မှ ထူးထူးခြားခြား တိုက်ခတ်လာတဲ့ မုန်တိုင်းတစ်ခုကလဲ ကိုယ့်ရင်ကို ဗလောင်ဆူစေခဲ့တာ ကြာခဲ့ပါပြီ.. မေလ ရယ်လို့ ရောက်လာခဲ့ရင် ကိုယ့်ရင်ဆီက မျှော်လင့်ထားတဲ့ အရာတစ်ခု ကိုယ့်ဆီ ရောက်လာမယ်နေ့ရက်အချိန်လေးကို ဟိုးခပ်စောစောကာလတွေကတည်းက ကိုယ်မျှော်နေခဲ့မိတယ်..

အိမ်အပြန်မြင်ကွင်းများနှင့် ကျွန်မ၏အတွေးပုံရိပ်များ

 ဒီနေ့အိမ်အပြန် လိုင်းကားနဲ့ ပြန်ဖြစ်တယ်.. ရုံးဖယ်ရီ စောင့်စီးရင် မိုးချုပ်သွားတတ်လို့ အိမ်က မေ ကလဲ ဆူလှပြီလေ.. အဲဒါကြောင့် လိုင်းကားစီးပြန်တာ ၂ ရက်လောက်ရှိခဲ့ပြီ.. ဒီနေ့လဲ ပုံမှန်အတိုင်း ရုံးဆင်းချိန် ၅ နာရီသာသာလောက်မှာ လိုင်းကားဂိတ်ကို ထွက်လာခဲ့တယ်.. တစ်ခုစိတ်ညစ်တာက ဒီနေ့ဝတ်တဲ့ ယူနီဖောင်းက စိတ်ပျက်စရာ ဖြစ်နေတာပါပဲ.. လူက နဂိုကမှ ပိန်ပါတယ်ဆိုမှ ဝတ်ထားတဲ့ သုံးလွှာစကဒ်က  တော်တော့်ကို အဆင်မပြေခဲ့ပါဘူး.. ပိတ်စမလောက်လို့ပဲလား.. အစ ခိုချင်လို့လား မသိ.. ခြေလှမ်း လိုက်တိုင်း ရွှမ်းကနဲ ရွှမ်းကနဲနဲ့ တော်တော်.. တော်တော့်ကိုပါပဲ.. အဲဒါကြောင့် ခြေလှမ်းကို     ဖြည်းဖြည်း ချင်းလျှောက်လာခဲ့ရတယ်.. အဲဒီကြားထဲ ကားဂိတ်ဆီသွားတဲ့ လမ်းက လမ်းဆုံ၊ လမ်းခွကြီးတစ်ခုကို ဖြတ်ရတာမို့.. အဲဒီမှာ ပြဿနာစတက်တာပါပဲ.. နဂိုကမှ အတင်းဖုံးဖိသွားလာနေရပါတယ်ဆိုမှ လမ်းဆုံ အရောက် လွှတ်တိုက်လာတဲ့ လေကြောင့် တော်တော်ကို့ယို့ကားယားနိုင်လောက်အောင် ဖြစ်သွားခဲ့ ပါတယ်.. အခြေအနေ မကောင်းလှတဲ့ စကဒ်ကို မရမက ဖုံးဖိရင်း လိုင်းကားဂိတ်ကို အမြန် လျှောက်မိခဲ့တော့တယ်..

ကျွန်မတို့နေတဲ့ဘက်အခြမ်းကိုဆို ရုံးရှိတဲ့နေရာကနေ ကားနှစ်မျိုး ရောက်တာဖြစ်ပေမဲ့ အမြဲတမ်းလိုလို စီးဖြစ်တာက အဓိပတိ ပါပဲ.. ဒီနေ့လဲ ကားဂိတ်တောင် မရောက်သေးဘူး အဓိပတိကားကြီးကို လှမ်းတွေ့ လိုက်တာကြောင့် တော်တော်လေး ပျော်သွားခဲ့တယ်..  ကားပေါ်ရောက်တော့ လူတွေက အပေါက်ဝမှာပဲ ကြပ်သိပ်နေလို့ တော်တော်လေးတောင် ဒေါသထွက်သွားခဲ့သေးတယ်..

လွဲချက်ရယ်တဲ့ ကမ်းကုန်..

သူများတွေ လွဲတာတွေ လိုက်ဖတ်နေရတာ ကြည့်ပြီး အားကျလို့ ငါ ဘာလွဲဖူးသေးလဲလို့ တော်တော် စဉ်းစားလိုက်ရတယ်..

ဟိဟိ..

ဒေါ်ကေပိုးတို့လဲ ခေတ်မီမီ တော်တော်ကြီးကြီးကျယ်ကျယ် လွဲဖူးသားပဲ..

လွန်ခဲ့တဲ့ ၄ နှစ်လောက်က ထင်ပါရဲ့.. ဒေါ်ကေပိုးတစ်ယောက်လူသိရှင်ကြား အရှက်တကွဲ လွဲဖူးတယ်လေ.. ဒေါ်ကေပိုးမေမေရယ်ပေါ့.. အိမ်မှာ ရေချိုးခန်း ရှိရက်နဲ့ ရေချိုးခန်းမှာ ရေမချိုးဘူး.. နောက်ဖေး ရေကပြင်မှာ ရေထွက်ထွက်ချိုးတယ်လေ.. မိုးတွင်းမို့ ရေကပြင်မှာ ရေညှိနည်းနည်း ရှိနေတာကို သတိမပြုမိပဲ ချော်လဲပါရောလား.. ချော်လဲတာမှ နှုတ်ခမ်းကို ၁ လက်မကျော်ကျော်မက ကွဲတဲ့အထိပဲ.. သွေးတွေ အရမ်းထွက်လာလို့ နောက်ဆုံး အနီးနားမှာရှိတဲ့ ပုဂ္ဂလိကဆေးခန်းတစ်ခုကို ပြေးရပါရောလေ.. အဲဒီတုန်းက ဖေဖေလဲ သက်ရှိထင်ရှား ရှိနေသေးတယ်.. ဖေဖေက ကိစ္စရှိလို့ အပြင်ခဏသွားနေတာနဲ့ ဒေါ်ကေပိုးလဲ မေမေ့ကို ကားမောင်းပြီး ဆေးခန်းလိုက်ပို့ရတယ်ပေါ့.. ဆေးခန်းရောက်တော့ မေမေနဲ့အတူ အခန်းထဲ ဝင်လိုက်လာမိတယ်.. ဖြစ်ချင်ပြန်တော့ အဲ့ဒီအချိန် ဆေးခန်းမှာ နာ့စ်မလေးတွေ မအားကြတဲ့အချိန်မို့.. ချုပ်ပေးမဲ့ ဆရာဝန်က ဒေါ်ကေပိုးကို အားကိုးတကြီး ပါးစပ်ကို လက်နှိပ်ဓာတ်မီးနဲ့ ထိုးပေးဖို့ ပြောလာပါတယ်.. အခန်းထဲမှာလဲ ဆရာဝန်ရယ်၊ နာ့စ်မတစ်ယောက်ရယ် ရှိနေတာမို့ နောက်တစ်ခြားတစ်ယောက် မခေါ်ချင်တော့တာလဲ နေမယ်ထင်ပါရဲ့.. သတ္တိခဲကြီး၊ ဗန္ဓုလသွေးပါသူကြီး ဒေါ်ကေပိုး အားရပါးရ ဝမ်းပမ်းတသာပါပဲ.. လက်နှိပ်ဓာတ်မီးကြီးကို ကိုင်ပြီး ချုပ်နေတဲ့ နေရာဆီကို မီးထိုးပြရပါတော့တယ်..

သူမ ကြောက်တတ်သည်..

ညသည် တိတ်ဆိတ်ငြိမ်သက်လို့ နေလေသည်။ မိုးငွေ့၊ မိုးနံ့များနှင့်အတူ ယုဇနပန်းရနံ့များက တစ်ခြံဝင်းလုံးကို လွှမ်းခြုံထားလျက်ရှိနေပေသည်။ ညနေက တစ်ပြိုက်၊ နှစ်ပြိုက် ရွာချလိုက်သော မိုးကြောင့် ဒီနေ့ညသည် နေလို့ထိုင်လို့ အတန်အသင့် ကောင်းမွန်လျက်ရှိသည်ဟု သူမ မှတ်ထင်မိသည်။ သို့သော်လည်း ထုံးစံအတိုင်း သူမ၏အိပ်ရာခေါင်းရင်း ထက်ဆီက ပြတင်းပေါက်ကိုတော့ဖြင့် ဖွင့်ထားမိခဲ့သည်။ တိုက်ခတ်ဝင်ရောက်လာသော လေပြေညှင်းက ယုဇပန်းရနံ့များကို ပြတင်းပေါက်ကတစ်ဆင့် သယ်ဆောင်လာသောကြောင့် ဒီညတော့ နှစ်နှစ်ခြိုက်ခြိုက် အိပ်ပျော်တော့မှာပဲလို့ သူမ ယူဆမိပြန်သည်။

ညနေက အလုပ်ကအပြန် ရွာချလိုက်တဲ့ မိုးကြောင့် ထီးယူရမှာ ပျင်းတဲ့သူမ တစ်ကိုယ်လုံး မိုးရေ စိုရွှဲကာ ကြွက်စုတ်ဘဝ ရောက်ခဲ့ရသည်။ လုပ်ဖော်ကိုင်ဖက်သူငယ်ချင်းများက ထီးငှားမည်ဟု ဆိုလာတာကိုပင် ပေပေတေတေ နေတတ်တဲ့သူမ ငြင်းဆန်ခဲ့မိသည်။ မိုးတွင်းမှာ မွေးတဲ့သူတစ်ယောက်မို့ မိုးရေထဲ ပြေးလွှားဆေားကစားရတာကို နှစ်သက်မိသလို၊ မိုးရေထဲမှာ မိုက်မိုက်ကန်းကန်း မည်သူ့မှ ဂရုမစိုက်ပဲ သွားရတာကိုလဲ အရမ်းနှစ်သက်မိလေသည်။ ဒီအတိုင်းတောင် မိုးရေထဲ လျှောက်သွားတတ်တဲ့ သူမ၊ ဒီနေ့တော့ ပျော်ပျော်ကြီး မိုးထဲလေထဲ လျှောက်ခဲ့မိပြန်ပါသည်။ ဖျားကာမှသာ ဖျားတော့ဆိုတဲ့ စိတ်နဲ့ မိုးထဲလေထဲ ပေတစ်ရာမကသော လမ်းမထက်မှာ သူမ လျှောက်ခဲ့ပြန်ပါသည်။

အပျင်းပြေ လက်ဆော့ထားတာလေးတွေ

နှင်းဆီဖူးလေး..

 တို့ငရုတ်ခင်း..

ဟယ်လိုရေးးး...

ဟယ်လို
ဟယ်လိုရေး...

ထူးလိုက်ပုံက တမူထူးစရာ..
သံနေနဲ့ သံထား..
လူကြားရင်ဖြင့်..
နား၊ ရင် မှာ ဘဝင်ချိုလို့..
အခါခါ ထပ်ပြောချင်ရဲ့..
ဒီ နှုတ်ဆက်စကား..

ပုံတူပွားလို့..
ပြောမယ်ကြံ...
အဖန်ဖန် ရွတ်ဆိုလို့..
ကူးပြီကွဲ့.. ဒီကော်ပီ..
အသေအချာများ.. နားထောင်ချင်ရင်ဖြင့်..

အိုဘယ့် သူငယ်ချင်းတို့..
ငါ့ဖုန်းတော်ကို များမကြာခေါ်လို့..
နားထောင်ကြစေသတည်း.....

(ဟယ်လိုရေး လို့ ထူးတတ်တဲ့ သူငယ်ချင်းတစ်ယောက်အား သတိရလျက်)

တိတ်ဆိတ်သော ချစ်ခြင်း၏ ခြေလှမ်းတစ်စုံ

" မောင် "

နှုတ်ခမ်းလွှာတစ်စုံရဲ့ တိုးတိတ်ညင်သာစွာ ရေရွတ်မိတဲ့ နာမ်စားတစ်ခုက နှင်း ရင်ထဲသို့ တော်လဲသံပမာ တုန်လှုပ်မြည်ဟီးသွားခဲ့ပါပြီ... ဒီအမည်၊ ဒီနာမ်စားကို နှင်း စတင်သုံးစွဲခဲ့တာ သိပ်မကြာသေးပေ.. ထိုသို့ သုံးစွဲသည်ကိုလည်း မောင် ဆိုတဲ့ ကာယကံရှင် လူသားတစ်ဦး သိနိုင်ပါလေစ.. မသိစိတ်တစ်ခုရဲ့ အခြေတည်မှုက နှလုံးသားကို တံခါး လာခေါက်ခဲ့တဲ့ အချိန်ကစလို့ နှင်း ရင်ထဲသို့ မောင်ဝင်ရောက်လာခဲ့တယ်.. မိန်းမသားတစ်ဦးရဲ့ တစ်ဖက်သတ် အဖြစ်အပျက်တွေကို  သိစေချင်ခဲ့သလို မောင်သိမှာကိုလဲ စိုးရွံ့မိခဲ့တယ် မောင်.. သူငယ်ချင်းဆိုတဲ့ အဖြူရောင်နေရာလေး တစ်နေရာကနေ အရောင်တွေ တစ်ဆင့်ချင်း ဆိုးချင်ခဲ့ချင်ပေမဲ့လည်း ထိုနေရာလေး ညစ်နွမ်းပျောက်ကွယ်သွားမှာကိုတော့ စိုးထိတ်မိတာ အမှန်ပင် ဖြစ်ခဲ့ရတယ်..

ထိုအဖြူရောင် ကမ္ဘာလေးအတွင်းမှာ နှင်းအတွက် အပူပန်ပေးတတ်ဆုံး ယောက်ျားတစ်ယောက် ရှိနေခဲ့တယ်ဆိုတာ နှင်းရဲ့မှတ်ဥာဏ်တွေက မေ့ချင်ယောင်များ ဆောင်ထားခဲ့လေသလားကွယ်.. မေ့ထားတယ်ဆိုတာထက် မေ့နေခဲ့တယ်လို့ ပြောခဲ့ရင် ပိုမှန်ခဲ့မယ် ထင်ပါရဲ့.. ဘယ်လောက်ပဲ မေ့နေခဲ့ မေ့နေခဲ့ သူပြောသမျှ၊ သူဆူသမျှတွေကို နာခံတတ်ခဲ့တာဟာလည်း မသိစိတ်တစ်ခုရဲ့ စေခိုင်းမှုလို့ နှင်း ထင်မိခဲ့ပါရဲ့.. ဒီလိုနေနေရာက နှလုံးသားကို တံခါးခေါက်၊ အသိစိတ်တစ်ခု
 ရောက်လာချိန်မှာတော့ နှင်းတစ်ယောက် မောင့်ကို ချစ်တတ်ခဲ့ပြီလေ..

ပန်းပြခန်း

ပြင်ဦးလွင် ရုက္ခဗေဒကန်တော်ကြီးဥယာဉ် အမှတ်တရရိုက်ထားတာလေးတွေ..

ရင်ထဲက သား

အတန်းချိန် ၂ ချိန်ဝင်ပြီးတဲ့နောက်မှာတော့ ၀ါဝါတစ်ယောက် မောပန်းလွန်းလှစွာ ဘယ်သူနဲ့မှ စကားမပြောနိုင်တော့ပဲ ဆရာမများ နားနေခန်းဆီသို့ပြန်လာခဲ့ပါတော့တယ်..နယ်မြို့လေးတစ်မြို့ရဲ့တက္ကသိုလ်တစ်ခုမှာသရုပ်ပြဆရာမအဖြစ် တာဝန်ထမ်းဆောင်ပြီးတဲ့ နောက်မှာတော့ ဒီမြို့ဒီဒေသဟာ ၀ါဝါ့အတွက်တော့ ကိုယ့်မြို့ကိုယ်နယ်ပမာ ဖြစ်ခဲ့ရပါတော့ တယ်.. နားနေခန်းအတွင်းသို့ ဖြည်းဖြည်းချင်း လှမ်းဝင်လာခဲ့ပြီးနောက်မှာတော့ ကိုယ့်နေရာကိုယ့်ထိုင်ခုံအရောက် အမောပြေရေဗူးကို ထုတ်သောက်ပြီး စဉ်းစားမိတာက ၆လကျော် ကျော်သာရှိသေးသော ၀ါဝါ့ကိုယ်ခန္ဓာအတွင်းမှ ရင်သွေးလေးအကြောင်းပင် ဖြစ်ခဲ့ရပါတော့တယ်..

လုပ်ငန်းခွင်ဝင်ပြီး သိပ်မကြာခင်ကာလမှာ အိမ်ထောင်ကျခဲ့ရသော ၀ါဝါတို့လင်မယားအတွက် ရင်သွေးဆိုတာ မယူနိုင်အား သေးပဲ.. စားဝတ်နေရေး အဆင်ပြေအောင် ကြိုးစားခဲ့ရသေးတာကြောင့် အိမ်ဆည်းလည်းဆိုတာကို တော်ရုံနဲ့မစဉ်းစား နိုင်ခဲ့ပေ.. အိမ်ထောင်သက် ၂နှစ်ကျော်လာတဲ့ အချိန်မှာတော့ ချစ်ခင်ပွန်းကိုကိုက.. သားသမီးရတနာလိုချင်ပြီလို့ ဆိုလာပါတော့တယ်.. အဲဒီလိုနဲ့ ၀ါဝါတစ်ယောက် ကလေးယူဖြစ်ခဲ့ပါတယ်.. ခန္ဓာကိုယ်ထဲ ရင်သွေးလေးရောက်လာပြီလို့ သိလိုက်ရတဲ့အချိန် ကစပြီး ၀ါဝါ့ရင်ထဲ ရင်ခုန်စိတ်၊ ကြောက်စိတ်၊ စိုးရိမ်စိတ်များနဲ့ သောကဗျာပါဒ များခဲ့ရပါတယ်.. ကိုယ်ဝန်အတွက် အားရှိစေမဲ့ နည်းလမ်းတွေ၊ မထိခိုက်စေမဲ့ နည်းလမ်းတွေ၊ မိခင်အတွက် ကျန်းမာစေမဲ့ နည်းလမ်းတွေနဲ့ .. မွေးလာမယ့် ရင်သွေးလေးအတွက် အနာဂတ်များ စသည်ဖြင့် တွေးကာ တွေးကာ.. နေ့စဉ် ညတိုင်း ရင်ပူခဲ့ရပါတယ်..

ကိုပိုင်စိုးသူသို့ /

ကိုပိုင်ရေ....

ကိုပိုင်ရေးထားတဲ့ ကိုပိုင်တို့ ကျောင်းအကြောင်းတွေ ဖတ်ရတော့ ညီမလေ...  ညီမလဲ အဲဒီကျောင်းကြီးမှာ ပညာရင်နို့ စို့ခဲ့ဖူးတာမို့ လွမ်းမိတယ် ကိုပိုင်ရေ..ညီမတို့နှစ်တွေတုန်းက အထက်တန်းပြီးရင် တက္ကသိုလ်ဆက်တက်ဖို့ ၂ နှစ်လောက် စောင့်ရတာမို့  အားနေတဲ့အချိန်လေး သင်တန်းတွေ တက်ဖို့ စုံစမ်းတော့ ဒီကြို့ကုန်းကျောင်းကြီးမှာ ညနေပိုင်း ၂ နှစ် ဒီပလိုမာတွေ ဖွင့်တယ်တဲ့.. အဲဒါကြောင့် ၀င်ခွင့် ၀င်ဖြေတော့ အောင်တာမို့ မြန်မာ့သမိုင်းမှာ ထင်ရှားခဲ့တဲ့ ဒီကျောင်းကြီးရဲ့ ကျောင်းသူတစ်ဦးဖြစ်ခဲ့ရတယ် ကိုပိုင်ရေ.. ကိုပိုင် ပြောပြောနေတဲ့ သြဘာလမ်းကိုလဲ ညီမလျှောက်ဖူးခဲ့တယ်.. ပုဏ္ဍရိပ်ပင်တန်းတွေရှိတဲ့ ဒီလမ်းမှာ အထက်တန်းအောင်ကာစ ဒီကလေးမတွေ ပြေးလွှားဆော့ကစားဖူးခဲ့တယ် ကိုပိုင်ရေ...

ညနေပိုင်း အတန်းမစခင်အချိန်တွေဆိုလဲ ကျောင်းကိုစောစောလာပြီး ၀င်ပေါက်မုဒ်ဦးကြီးမှာ ထိုင်ခဲ့ဖူးတယ်... ကွန်ကရစ်တိုင်ကြီးတွေဆီကိုလဲ ဒီကလေးမတွေ အလုအယက် နေရာလုပြီး ထိုင်ခဲ့ဖူးတယ်.. တခါတလေကျတော့လဲ အလယ်ရေပန်းအ၀ိုင်းမှာ သွားရောက်ဆော့ကစားခဲ့ဖူးသေးတယ် ကိုပိုင်ရေ... ညီမတို့ ဒီပလိုမာတန်းတွေက တစ်နေ့မှာ အတန်းချိန် ၃ ချိန်ပဲ ရှိခဲ့တယ်... အဲဒီ ၃ ချိန်လောက်လေးမှာလဲ လစ်ရင် လစ်သလို ကင်တင်း ပြေးရတာလဲ အမှတ်တရပါပဲ ကိုပိုင်ရေ... ကင်တင်းသွားတဲ့ လမ်းလေးကိုလဲ သဘောတကျ ဖြစ်ခဲ့ရတာတွေဟာ မမေ့စရာတွေပါ ကိုပိုင်ရယ်..