ချစ်ပျိုးရေ..

ဒီနေ့ ငါတို့မြို့မှာ သင်္ကြန်အကြို ပိတောက်ပန်းတွေ ပွင့်တယ်။ အရမ်းလှတာပဲ။ တမြို့လုံးအနှံ့ ဝါထိန်နေတာပဲဟ။ တွေ့သမျှ မိန်းကလေးတိုင်းရဲ့ လက်ထဲမှာလဲ ပိတောက်ပန်းတွေ ဝေလို့ပေါ့။အနံ့စူးပြီး ခဏနဲ့ ကြွေတတ်တဲ့ ပန်းမို့ ပိတောက် မကြိုက်တဲ့ ငါတောင် သဘောကျလာပါရောလားဟ။ ရုံးဖယ်ရီပေါ်မှာလဲ ပိတောက်ပန်းတွေ ဝေလို့ရယ်လေ။ ငါ့သူငယ်ချင်းတွေရဲ့ လက်ထဲမှာတွေလဲ အပြည့်ပဲလေ။ ဒီနေ့တော့ ငါတို့မြို့ကြီး ဝါရွှေလူးတယ်ဆိုတာ အမှန်ပဲဟာ။ ပိတောက်ပန်းလေးတွေနဲ့ လှနေတဲ့သူတွေမှ တပုံတပင်ရယ်ပေါ့။ ကြွားချင်ပါ့အေ။ ရှင်တို့နေနေတဲ့ တိုင်းတပါးမှာ ငါတို့ဆီမှာလို ပိတောက်ပန်းတွေ ရှိရဲ့လားကွ။ ဟဲဟဲ.. ရှိမယ် မထင်ဘူးနော်။ ပိတောက်နဲ့ မြန်မာခွဲခြားမရဘူးဆိုတာ စာတွေ ရေးရေးနေတဲ့ ရှင်လဲ သိမှာပေါ့နော။ ပိတောက်ပန်းတွေ ကြည့်ရင်း ငါလေ.. သင်္ကြန်ကာလာ ရောက်တော့မယ်လို့ စဉ်းစားရင်း ပျော်တောင် ပျော်မိသေးတယ်အေ။

ဒီနှစ်တော့ ထူးထူးခြားခြားပဲဟ။ သင်္ကြန်နဲ့ပိတောက် တိုက်ဆိုင်တယ် ဆိုရမှာပဲ။ ရှေ့နှစ်တော်တော်များများက သင်္ကြန်နဲ့ ပိတောက် လွဲနေတတ်တာလေ။ ခုတော့ သင်္ကြန်မကျခင်လေးတင် ပိတောက်တွေ ဝေနေအောင် ပွင့်ပါရောလား .. ပျိုးရေ။ ရှင်.. အဲဒီကို ရောက်တာ ဘယ်လောက်ကြာပြီလဲ ငါ မသိပေမဲ့ ငါတို့ မြန်မာပြည်ရဲ့ သင်္ကြန်ကိုတော့  မြင်စေချင်စမ်းပါဘိဟာ။ ပိတောက်ပန်းတွေ ဝေနေတဲ့ ဒီနှစ်ဦးက ငါတို့ ပြည်သူပြည်သားတွေအတွက် လာခြင်းကောင်းမယ့် နမိတ်များရယ်လားဟယ်။ ခေတ်တွေ ဘယ်လိုပြောင်းပြောင်း ငါတို့သင်္ကြန်က ပျော်စရာကောင်းတယ်ဆိုတာ မြန်မာလူမျိုးဖြစ်တဲ့ ရှင်လဲ သိမှာပါ။


ငါကတော့ ရှင်သိတဲ့အတိုင်း ကို့လို့ကန့်လန့်အရွယ်ဖြစ်နေပြီမို့ ဒီနှစ်လဲ အိမ်မှာပဲ ဖြစ်ဖို့များနေတယ်လေဟာ။ ခေတ်လူငယ်တွေလို လည်ချင်ပတ်ချင်စိတ်လဲ မရှိဘူးဟ။ ဒါပေမဲ့ ဖြစ်နိုင်ရင်တော့ ကားတံခါးမှန် ပိတ်ပြီး မြို့အနှံ့ လျှောက်ကြည့်၊ ဓာတ်ပုံတွေ လိုက်ရိုက်ချင်သားလား။ ဒါပေမဲ့ မသွားအားလောက်ဘူး ထင်ပါရဲ့။ ဒါနဲ့ ပြောရဦးမယ် သိလား။ ရှင့်သယ်ရင်း .. ငါကလေ .. သင်္ကြန် ရုံးက မုန့်ဖိုး ပေးမယ်ထင်ပြီး လဆန်း လစာထုတ်ကတည်းကရတဲ့လခတွေကို အတော် သုံးထားလိုက်သေးဟ။ နောက်ကျ မုန့်ဖိုး မရတော့ဘူးလို့ သတင်းထွက်လာတော့ တော်တော်လေးကို နားကားသွားသေးတာ။ တော်သေးသပအေ။ နောက်ဆုံးနေ့ ပိတ်ရက်မှ မုန့်ဖိုးရတယ်။ နည်းနည်းလေးတော့ ပျော်သွားတယ်။ နည်းနည်းလေးမှ တကယ့်နည်းနည်းလေး ပျော်တာလေ။ ဘာဖြစ်လို့လဲဆိုတော့ အကြွေးဆပ်ရတာတွေက ရတဲ့မုန့်ဖိုးတောင် မကာမိအောင် ဖြစ်နေလို့ပေါ့ဟာ။ အဲ.. ငါ ဘာတွေ ပြောနေမိလဲ မသိဘူး.. ဟီး။

ဒီလို ငါတို့မြန်မာလူမျိုးတွေရဲ့ သင်္ကြန်ကို ရှင် လွမ်းနေမယ်ဆိုတာ ဟိုတစ်နေ့က ရှင်တင်ထားတဲ့ ကဗျာကနေ သိနေပါ့တော်။ ဘာပဲပြောပြောအေ။ ဒီတစ်နှစ်မကြုံလဲ နောင်နှစ်တွေ ကြုံအောင်တော့ ပြန်လာစေချင်ရဲ့အေ။ ဘယ်မှ လျှောက်မလည်ပဲ ဒီတိုင်း အိမ်မှာ ထိုင်နေရင်တောင်မှ သင်္ကြန်ရောက်နေပါလားဆိုတဲ့ ကြည်နူးတဲ့ ခံစားချက်ကို ရှင့်လဲ ခံစားစေချင်သေးတယ်။ ကိုယ့်တိုင်းပြည်၊ ကိုယ့်လူမျိုးနဲ့ ဝေးနေတဲ့ ရှင်တို့လို သူငယ်ချင်းတွေအတွက် .. ငါတို့ရိုးရာတွေကို ပြန်အမှတ်ရနေစေချင်သေးတယ်ဟာ။ ငုတွေ၊ ပိတောက်တွေ လှိုင်လှိုင်ပွင့်နေတဲ့ ငါတို့မြေရဲ့ အတာကူးတဲ့ နှစ်သစ်ကူးကို ရှင့်ကို မြင်စေချင်လျက်...