Pages

Monday 30 December 2013

The Journey of My Colourful Tolly



ဒီအချိန် သူများတွေလည်း ဒါပဲ ရေးမှာပဲ.. ကိုယ်ကိုယ်တိုင်လည်း ဒါပဲ ရေးမှာပဲ.. ထူးမခြားနား လူ့လောက ကတော့.. ဒါတွေနဲ့.. ဒါပြီး ဒါပြန်တွေနဲ့… ဒီလိုပဲ သူလိုကိုယ်လို အတွေးတွေနဲ့ ပျံ့ကြဲရင်း.. ကျနော်လည်း လူ့မနောထဲ စီးဝင်လို့.. ဒီအကြောင်းပဲ ထပ်ရေးမိပြန်တယ်…


၂၀၁၃ မှသည် ၂၀၁၄ ဆီသို့လို့ပဲ.. ခေါင်းစဉ်တပ်ရမလား.. ဘယ်လို ခေါင်းစဉ် တပ်ရမလဲ.. သူများတွေလို ဘာတွေ ထည့်ရေးရင် ကောင်းမလဲ.. ဘယ်လို စာတွေ စီရင်ကောင်းမလဲဆိုတာတွေ ပြည့်နှက်လို့.. ကိုယ်ရေးတဲ့ စာတစ်ပုဒ်.. လှစေချင်ခဲ့တာတော့ အမှန်ပါ..


မနက်ဖြန်၊ သဘက်ခါဆို ၂၀၁၄ ကူးပြောင်းပြီဆိုတဲ့ အတွေးက.. တခါတခါကျ.. ကုန်ဆုံးခဲ့တဲ့အချိန်တွေကို ပြန်သတိရစေပြန်တယ်.. ဒါပေမဲ့ အနီးကပ်ဆုံးဖြစ်တဲ့ ၂၀၁၃ ကိုတောင် သေချာမမှတ်မိတဲ့ ဒီဦးနှောက်က မိုက်ရူးရဲစွာ ၂၀၁၄ ကို ကျော်ဖြတ်ဖို့ အဆင်သင့် ရှိနေခဲ့ပြန်တယ်..


Saturday 21 December 2013

ပျော်ရွှင်စရာ တစ်လပြည့်မွေးနေ့လေးပါ သမီးငယ်


ဘာလိုလိုနဲ့.. တစ်ရက်ပြီး တစ်ရက် ကုန်လွန်လာတာ.. ကျွန်မချစ်သော သမီးငယ်.. မနက်ဖြန်ဆို တစ်လသမီးဖြစ်ပြီပဲ.. မနက်ဖြန်အတွက်.. ဒီကနေ့ကတည်းက .. ဟိုတွေး ၊ ဒီတွေး.. သမီးကလေးကို.. အခုအချိန်များ.. သွားတွေ့လိုက်ရရင်ဆိုတဲ့ အတွေး.. ဖျောက်မရနိုင်ပြန်ဘူးလေ..


လွန်ခဲ့တဲ့ တစ်လ.. ဒီလိုအချိန်က.. ဗျာပေါင်းသောင်းခြောက်ထောင် များတဲ့.. မိသားစုကို ကြည့်ပါဆိုရင်.. ကျွန်မတို့တွေပဲ ဖြစ်မယ်ထင်ပါရဲ့... ညီမငယ်ရဲ့ .. နာကျင်လို့ .. ပျက်ယွင်းတဲ့ မျက်နှာနဲ့.. ဘေးက ဝိုင်းဝန်း ပူပန်နေကြတဲ့.. မိသားစုတွေ... ဒီလို လူတွေက.. အချိန်ပြည့် နွေးထွေးစွာ ကြိုဆိုနေတဲ့.. မကြာခင် ရောက်ရှိလာတော့မယ့်.. သမီးငယ်..


ဒီလိုနဲ့ .. မနက်ခင်းရဲ့ စောစောစီးစီးတစ်နေ့မှာ.. သမီးငယ် ရောက်ရှိလို့ လာခဲ့တယ်.. ခွဲမယ်ဟဲ့.. မခွဲလည်း ရသေးတယ်ဟဲ့ဆိုတဲ့.. ချီတုံချတုံ အခြေအနေမှ.. အရာအားလုံး အဆင်ပြေရင်  ခွဲလိုက်ကြမယ်လို့.. ဆုံးဖြတ်ကြပြီး.. ညီမငယ် ခွဲခန်းထဲ ဝင်သွားပြီး သိပ်မကြာတဲ့ ကာလလေးမှာ..  အော်ဟစ်သံလေး ဆူညံစွာပဲ.. ခွဲခန်းထဲမှ.. ထွက်လာခဲ့တာက.. သမီးငယ်..

Wednesday 4 December 2013

အဆိပ်ချိုသီး








ကားလိပ်ချမိတဲ့ ပြဇာတ်မှာ
သရုပ်ဆောင်ချက် လိုတယ်ဆိုပြီး..
ပြန် က ချင်လို့ မရခဲ့ဘူး.. ။


ပြဒါးသုတ်ထားတဲ့ မှန်တစ်ချပ်မှာ
ထိုးဖောက်မြင်နိုင်တဲ့ သတ္တိ မရှိလို့
တဖက်အလွန်ကို လှမ်းမမြင်နိုင်ဘူး.. ။

Friday 8 November 2013

ခေါင်းစဉ်မဲ့






ကျ မျက်ရည်.. ကမ္ဘာပျက်တာ
မင်း တစ်ယောက်ထဲတဲ့လား..။

 
ပြုံးမျက်နှာ.. ကမ္ဘာပျက်တော့
ကိုယ်ပါ ပါ ပြန်တယ်လေ..။


ကျနော်နှင့် ငါးနှစ်တာ အမှတ်တရ ပုံများ...



Fig.(1) ZnO Wurtzite Structure 




Wednesday 16 October 2013

ဗုံးနဲ့ ပတ်သက်ရင် ရေပုံးတောင် စေ့စေ့ မကြည့်ချင်တဲ့..... ငစံ



ဗုံးတွေ ပေါက်ကြတော့.. ပထမဆုံး သတိရမိတာ.. ငစံ... ရွပိုးထိုးတတ်တဲ့ ကျနော့်သူငယ်ချင်း...
လွန်ခဲ့တဲ့ ၂၀၀၅ ရဲ့ မေမှာ.. ထီပေါက်တဲ့အကောင်.. အခုတော့လည်း ဇနီးချောလေး ရလို့ ကောင်းစားလို့ နေပေါ့..


ငစံတို့ ဘယ်လောက်တောင် ကံကောင်းလည်းဆို.. သူများတွေ .. အသီးသီး အသက.. ပါရက်နဲ့.. ဘာဆိုဘာမှ မဖြစ်ပဲ.. သူ့ကျမှ ထီကွက်ပေါက်တာက.. ဆုအကြီးကြီး


အဲ့နေ့က.. ကျနော်က.. အိမ်မှာ တီဗီကြည့်ကောင်းနေတုန်း.. မောင်လေးသူငယ်ချင်းတစ်ယောက်က ဖုန်းဆက်တယ်.. ဒဂုံစင်တာမှာ၊ ဂျန်းရှင်းအိတ်မှာ၊ ပုဇွန်တောင်မှာ.. ဟိုမှာ ဒီမှာနဲ့ သတင်းပေးတာကြောင့်.. အိမ်ရှိ လူကုန် ရေတွက်တော့.. အကုန်စုံတာမို့.. သက်မ ချတုန်း ရှိသေး.. သတင်းတစ်ခုက ဝင်လာပါရောလား..


Saturday 12 October 2013

နောက်မဆုတ်ပါနဲ့..



အတူတူ လျှောက်မယ့်လမ်း
ခြေလှမ်း တစ်ထပ်တည်း မကျခဲ့ရင်
မောင်..
မေ လိုက်ညှိပါ့မယ်လေ..။

 
အသိုင်းအဝိုင်းအလွှာက
မောင့်အတွက် အရာရာဆိုရင်
မေလေ..
မောင့်ဘဝထဲ ဆင်းခဲ့ပါ့မယ်လေ..။

Tuesday 1 October 2013

မိုက်



ဟောဗျ

ပြုတ်ကျသွားတဲ့ နှလုံးသားတစ်စုံက
တဆတ်ဆတ် တုန်နေတဲ့.. ရင်ခွင်ဆီကို
လှမ်းသတိပေးတယ်.. မေ့သင့်ပြီတဲ့..။
 


တကယ်ဆို..

ကမ်းလင့်တဲ့လက်.. ယူဖို့ ခက်တာလား
နမ်းသင့်တဲ့ အသက်.. ချူဖို့ ပျက်တာလား..
မရေမရာ.. အဖြေရှာပျောက်ခဲ့တယ်..။

Wednesday 11 September 2013

အလွှာ


လေထဲတိုက်အိမ်ဆောက်တာ မဟုတ်ပေမဲ့
မြေထဲ လမ်းတွေလျှောက်တဲ့အခါ
မတူညီရာ အလွှာတရားတွေက
လူကမ္ဘာကို ဝင်လာဖျက်ဆီးတယ်..


တစ်နေရာထဲ ရပ်နေရာက
အဆင့်အတန်းတွေ သတ်မှတ်ကြတယ်
တစ်နေရာထဲ လာခဲ့ရာက
လားရာလမ်းတွေ သတ်မှတ်ကြတယ်..

Saturday 7 September 2013

သခင့်ဆီသို့ ရည်ညွှန်းသည်..


နှုတ်က ချစ်ခြင်း
ရင်တွင်းဖွဲ့ကာ
ဖြစ်တည်လာလည်း
ပေးအပ်မည့်သူ
ငြူစူသည်မို့
လက်သိပ်လျှိုကာ
ပုန်းခိုပြန်သည်
သခင် မကြင်၍ ငိုမိသည်..

Monday 2 September 2013

မိုးထိတဲ့ မာန



ဝေဒနာ မဖြေသာပါဘူး
မကြေညာ တွေဝေကာနေတာမို့
လေညာမှာ ပျော်သလိုသာ နေလိုက်စမ်းပါ့
မောင်မုန်းတဲ့ ခင့်ကို
စောင်းငဲ့လို့တော့ မကြည့်စေနှင့်
မောင့်အသနားတော့ဖြင့် မခံလို..။


လွမ်းပိုလို့ ကျွမ်းငိုကာ လွမ်းစေဦး
မှန်းမျှော်ကာ မတအောင် နေလိုက်မယ်
လွမ်းဝေလို့ နာဖျားပါစေတော့
ခင့်အချစ်က ဘယ်လောက်ပိုပို
မောင်သိအောင် ကြေညာမယ့်
မိုးထိတဲ့ မာန .. မောင်သိလို့ နေစေဦးတော့..။


ကေပိုး
10:30 PM.
2.9.2013.

လွမ်းမိတဲ့ S-21 ..



မှောင်မည်းမည်း ချောင်တစ်ချောင်က .. အခန်းငယ်တစ်ခု.. ထိုနေ့က .. ပျိုးပြက်လင်းလက် စွာ  နုပျိုသစ်လွင်လို့ နေခဲ့တယ်.. လန်းဆန်းတက်ကြွတဲ့ တောက်ပပ ခြေလှမ်းတွေက.. ဒီအခန်းငယ် ကလေးကို သက်ဝင်လှုပ်ရှားစေခဲ့ပြန်တယ်.. အဲဒီနေ့က ကျနော်တို့အတန်းတွေ စ တက်ရတယ်လေ..


စိမ်းသက်သော ရွယ်တူ လူတွေကြားထဲ.. စိမ်းသက်သောအတွေးက.. ကျနော် ကြောက်တယ်တဲ့.. ဘာကြောင့်များ ကြောက်မိပါလိမ့်.. ကျောင်းရဲ့ အရှိန်ကြောင့်ရယ်လား.. အတန်းရဲ့ အရှိန်ကြောင့်ရယ် လား.. သေချာ မကွဲပြားခဲ့ဘူး..  ဒါပေမဲ့.. စတင်ထိတွေ့ခံစားရတဲ့ မှောင်ကုပ်ကုပ် ချောင်ကလေးထဲက.. မီးချောင်းထိန်ထိန်ထွန်းထားတဲ့ ဒီအခန်းငယ်လေးကတော့.. S-21 လို့ အမည်နာမရှိတယ်ဆိုတာ.. စ ရောက်ရောက်ချင်းမှာ မှတ်မှတ်ထင်ထင် သိခဲ့ရတယ်.. ကျနော် S-21 မှာ စတက်ရပြီတဲ့..



ဒီလိုနဲ့ S-21 ကို .. ကျနော် စတင်ရောက်ရှိခဲ့တယ်.. မှတ်မှတ်ရရ အဲဒီတုန်းက S-21 မှာ မိန်းကလေးဆိုလို့.. ကျနော်အပါအဝင်မှ (၃)ယောက်ထဲရယ်ပေါ့.. စိမ်းသက်သက် လူတွေကြားထဲက မိန်းကလေး (၃)ယောက်ကို.. ထိုစိမ်းသက်သော လူရွယ်များကပဲ.. ဖေးကူထိန်းလို့ စောင့်ရှောက်ပေးခဲ့ တာက.. ကျနော် သိပ်ချစ်တဲ့ ထိုအခန်းငယ်ကလေးက စခဲ့တဲ့ သင်တန်းလေးတစ်ခုပါပဲ..


Thursday 29 August 2013

ကျေနပ်လိုက်


ခွက်ထိုးခွက်လန်ပါပဲ..
လက်လွတ်ခွက်ကျွတ်ပါပဲ..
တခါတခါ ရီရတဲ့ဟာသတွေရယ်..


ပဲကြီး အီးပြန်လှန်ပါပဲ..
ငါ့စကား နွားရပါပဲ..
တော်ပါ့ ရီရတဲ့ဟာသတွေရယ်..


Friday 23 August 2013

စွန်းထင်းခဲ့ကြတယ်..


တကယ်တော့ အဲဒီနေ့က
ကျနော်တို့ တစ်ခုခုကို
ထုဆစ်ခဲ့ကြတယ်.. ။


ချစ်ခြင်း၊ မုန်းခြင်း
ဒေါသ၊ မာန်မာန
အာဃာတ အမှိုက်သရိုက်တွေပဲပေါ့.. ။

ဘယ်သူ တရားပျက်ပက်
ကိုယ် မပျက်စေနဲ့တဲ့..

Saturday 10 August 2013

အမြဲတမ်း ရှုံးတဲ့ ကျနော့်အရှုံး


ထားရာနေ စေရာ သွား
သေချာသွားတာက..
ခများရဲ့ ကျေးကျွံ..

ထိန်းထားတယ် တင်းထားတယ်
ယိုင်မကျဖို့..
ကျနော့်စိတ်တွေ..

Sunday 28 July 2013

ဘွန်ဇိုင်းရေ..



ဘွန်ဇိုင်းရေ...

လူတွေ အမြင်မှာ.. ငါဟာ နင့်ကို သတ်သူတဲ့..
စွပ်စွဲလိုက်ကြတာဟာ..
တကယ်တော့..
ငါက နင့်အတွက် ပေးဆပ်သူပါ.. ။

သူတို့အတွေးက..
အလှဆုံးဖူးပွင့်မယ်..
အမြင့်ဆုံး ထိုးထွက်မယ်တဲ့..
သိပ်မှန်တဲ့ စကားပါ.. ။

Sunday 21 July 2013

အိမ်



နွေးထွေးရာ .. အေးမြရာ.. နားခိုရာ... ပျော်ရွှင်ရာတွေ အားလုံး စုထားတဲ့ နေရာလေးတစ်ခုက.. အိမ် တဲ့... ကျနော့်မှာ.. အဲဒီလို အိမ်ကလေးတစ်လုံး ရှိပါတယ်.. ရှိခဲ့ပါတယ်.. ရှိနေပါတယ်.. ဒါပေမဲ့.. အဲဒီ အိမ်ကလေးဟာ.. ကျနော့်အပိုင် မဟုတ်ခဲ့ပါဘူး.. စည်းစနစ်နဲ့  အနွေးထွေးဆုံး အပမ်းပြေနားခိုရာဖြစ်ဖို့.. ရှိစုမဲ့စုတွေ ခြစ်ချုပ်လို့.. တည်ဆောက်ခဲ့တဲ့.. ကျနော့်မိဘရဲ့ အိမ်ကလေးပါ..


ဟိုး.. ငယ်ငယ်တုန်းက.. ကျနော် မှတ်မိနေသေးတယ်.. သူများအိမ်မှာ.. ငှားရမ်းနေခဲ့ရတုန်းကပေါ့.. ကိုယ်က ဘယ်လောက်၊ ဘယ်လို ပိုက်ဆံတွေ ပေးပြီး.. ငှားနေဦးပစေ.. အိမ်ရှင်ဆိုတဲ့ မျက်နှာက.. ကျနော်တို့လို အိမ်ငှားတွေအတွက်.. ဘုရားတစ်ဆူနီးနီး ကိုးကွယ်ခဲ့ရတယ်.. ကိုယ်တွေ တွေ့ခဲ့တဲ့ အိမ်ရှင်တွေက.. ဆိုးဆိုးရွားရွား တစ်ယောက်မှ မပါခဲ့ပေမဲ့.. ကျနော့်အချစ်ဆုံးဖခင်ကတော့.. ငါ့အတွက်.. ငါ့မိသားစုအတွက်.. နားခိုရာ အနွေးထွေးဆုံး အိမ်ကလေးတစ်လုံး အပိုင် ရှိသင့်တယ်လို့.. တွက်ချက် ခဲ့တယ်.. တွက်ချက်ခဲ့သလိုပဲ.. အပင်ပန်းးခံ၊ အဆင်းရဲခံ.. ရှာဖွေရသမျှကို စုဆောင်းခဲ့တယ်..


Saturday 20 July 2013

ကျနော်နှင့် ဘုဂလန့်စိတ်


ဒီနေ့ စာတစ်ပုဒ် ဖတ်ရတယ်..
ဘာတဲ့..
ကိုယ်လိုရာ ဆွဲတွေး လောကကြီး..

ကျနော်လေ
တကယ်ပါဗျာ..
စိတ်ကုန်မိတယ်..
ဒီအပြောကျယ်တဲ့ ပင်လယ်ပြင်ကို..

Sunday 7 July 2013

အလွမ်းဖြေခဲ့တယ်..


ကျနော်..
ဒီနေ့..


စီးခဲ့ဖူးတဲ့..
အဓိပတိ အဝါကြီးနဲ့လည်း..
အလွမ်းဖြေခဲ့တယ်..


ရေစီးကြောင်းထဲက..
လှည်းတန်းဖက်ရှင်နဲ့လည်း..
အလွမ်းဖြေခဲ့တယ်..


Saturday 15 June 2013

ရာထူးဆိုတာ ????


 ရာထူးဆိုတာ.. ဘာလဲ ???


တင်ထားတဲ့ ခေါင်းစဉ်ကို.. ကိုယ့်ကိုယ်ကိုယ်..  ကိုယ့်စိတ်ကို ကိုယ်.. ခဏ၊ ခဏ ပြန်မေးမိတဲ့.. မေးခွန်းတစ်ခုပါ…


တကယ်ပဲ.. ရာထူးဆိုတာ ဘာပါလိမ့်.. ??


ထို့ထက်ပိုတာက.. ရာထူးဆိုတဲ့ သတ်မှတ်ချက်ဟာ.. ဘာပါလဲ.. ??
ဘယ်လို အခြေအနေတွေ … ဘယ်လိုလူမျိုးဆိုတာတွေကို.. ရာထူးဆိုတဲ့ ခေါင်းစဉ်အောက်မှာ.. သွပ်သွင်းသလဲလို့.. သိချင်ပါတယ်..


Tuesday 4 June 2013

ဘဝခြားခြင်း


ရုတ်တရက် .. ပိန်းပိတ်အောင် မှောင်နေတဲ့ အမှောင်ထုကြီးထဲက .. အတင်းပြူးပြဲထမိတော့ .. ဖျော့တော့တော့ အလင်းရောင်က.. နရံကင်းတဲ့ ကွင်းပြင်ကြီးကို.. မြင်မိစေခဲ့ပြန်တယ်.. ဘယ်မှာလဲ.. လာလမ်း.. ဘယ်မှာလဲ.. ပြန်လမ်း.. .. ရုတ်ချည်း သတိရမိတာက.. ခန္ဓာကိုယ်ရဲ့ နာကျင်မှုတွေ   ပျောက်ဆုံးaနတယ်ဆိုတာပါပဲ..


တည်ရှိနေတဲ့ နေရာကနေ.. နောက်ထပ် နေရာတစ်ခုဆီ ရွေ့ဖို့ ကြိုးစားမိတော့... ကျွန်တော့် ခန္ဓာကိုယ်က.. ငှက်မွှေး၊ ငှက်တောင်ပမာ.. သိလိုက်မိပါပြီ.. ကျွန်တော့အတွက် နေရာအသစ် တစ်ခုဆီ.. ခြေလှမ်း ပြင်ခဲ့ပြီပဲ...


လွန်ခဲ့တဲ့ နာရီပိုင်းလောက်ကမှ.. နာကျင်နေတဲ့ ခံစားချက်တွေ.. အသည်းခိုက်အောင် ခံစားရတာတွေ.. ဒီအချိန်မှာ .. ပျောက်ရှသွားခဲ့ပြီပဲ... သေချာတာကတော့.. ကျွန်တော်.. သူတို့နဲ့ ဝေးကွာခဲ့ပြီတဲ့.. ကျန်ခဲ့တဲ့.. ကျွန်တော်ချစ်သူတွေကို ပြန်တွေးမိတော့.. လွန်ခဲ့တဲ့ လ အပိုင်းအခြားတစ်ခုကို.. တွေ့မြင် ခဲ့ပြန်တယ်..

Friday 3 May 2013

အောင်ဘာလေ သိန်း ၁၅၀၀ ထီဆု ပေါက်ခဲ့သော်…



ခုတလော..ကျွန်မ ကေပိုးတစ်ယောက်.. ထီ အရမ်းပေါက်ချင်နေပါတယ်.. ပေါက်ချင်တာမှ.. သိန်း ၃၀၀၊ သိန်း၅၀၀ တွေမှ မဟုတ်ပဲ.. သိန်း ၁၅၀၀ ထီဆုကြီးကိုမှ မျှော်မှန်း လိုချင်နေမိခြင်း ဖြစ်ပါတယ်…


တကယ်လို့များ…
ကျွန်မသိန်းထောင့်ငါးရာဆုကြီး ပေါက်ခဲ့ရင်…


                                                        (၁)


ရလာတဲ့သိန်း ၁၅၀၀ ကို.. ၃ ပုံ အရင် ပုံပါ့မယ်.. ပထမအပုံ သိန်း ၅၀၀ကို.. မေ့ကို ပေးပြီး.. လက်ရှိနေနေတဲ့ အိမ်ဘေးက မြေကွက်လပ်မှာ.. အိမ်ကောင်းကောင်းတစ်လုံး ဆောက်ပါမည်…
နောက်ထပ်သိန်း ၅၀၀ ကို… မေ့ကို ပေးပြီး.. မေသုံးချင်ရာ သုံးဖို့.. ဆေးဖိုးဝါးခအဖြစ်ရော.. လှူဖို့ဒါန်းဖို့ရော….ပေးလိုက်ပါမည်.. ကျန်တဲ့သိန်း ၅၀၀ ကိုတော့.. ပိုက်ဆံ စုနိုင်ဖို့ ခဲယဉ်းနေသော.. ကျွန်မ၏ ချစ်သူအား ပေးပြီး..ဘဝတစ်ခု တည်ထောင်ဖို့အတွက်.. စတင်ဖို့ ကြံပါမည်..

Wednesday 1 May 2013

အပြုံးချိုချို.. ပြုံးချင်တယ်

ပြုံးခြင်းရဲ့ နောက်ကွယ်မှာ.. ဘာရှိသလဲ ???


ခုတလော.. ကျွန်မ သိပ်မပြုံးဖြစ်တာ ကြာပြီ.. စိတ်မကြည်တာလည်းပါ၊ အလုပ်များတာတွေလည်း ပါမယ်ထင်ပါရဲ့.. ကြည်ကြည်လင်လင် မပြုံးဖြစ်တာ ကြာတဲ့အထဲ.. အတိုက်အခိုက်များတဲ့လောက၊ ဇယားရှုပ်တဲ့ မိန်းမသဘာဝတွေကြောင့်.. နဖူးကြောတွေ အမြဲတမ်းလိုလို တွန့်ထားရင်.. စူပုတ်တဲ့ မျက်နှာက.. လူတကာကို.. ငြူစူသယောင်..


နှစ်တစ်နှစ်ရဲ့ ဘတ်ဂျက်အကုန်ကာလမို့.. ကျွန်မလို လူ မပြောနဲ့.. နေရာဒေသတိုင်းက.. အလုပ်လုပ်ကိုင်သူ တော်တော်များများ.. အလုပ်ရှုပ် ပင်ပန်းနေကြတာဟာ.. သဘာဝလိုလို ဖြစ်နေခဲ့ရတယ်.. ဒီလို အချိန်မျိုးမှာ.. ကျွန်မအတွက်ကတော့.. အလုပ်ကပေးတဲ့ ပင်ပန်းခြင်းတွေကြောင့်.. စိတ်မကြည်လင်ခြင်းတွေ ဖြစ်နေခဲ့ပြီး.. ကိုယ်လုပ်ရမယ့်.. ကိုယ့်လုပ်ငန်းရဲ့ အဓိကကျတဲ့.. အရာတစ်ခုကို.. လက်လွတ်စပယ် ထားပစ်ခဲ့မိပြန်တယ်..


Tuesday 23 April 2013

ကြည်နူးခြင်း မျှော်လင့်ချက်

၂၉၊ ၃၁၊ ၃၂၊ ၆၅.. ကိန်းဂဏန်းတွေ စီနေခြင်း မဟုတ်ရယ်ပါ...နိမ့်ရာက မြင့်သွားမလား.. မြင့်ရာက  နိမ့်ဆင်းသွားမလား.. ကြိမ်းသေတာတော့.. ဒါတွေဟာ... အသက်အပိုင်းအခြားဂဏန်းတွေမို့.. နိမ့်ရာကနေ မြင့်တက်သွားရုံပဲ ရှိပါတော့တယ်..


ငယ်တော့တဲ့.. သက်တမ်းတွေ မဟုတ်တဲ့.. ဒီအပိုင်းအခြားလေးတွေထဲမှာ.. လိုအပ်တာ၊ လိုချင်တာလေးတွေ.. စိန်စီသလို အစီအရီထဲကမှ.. ငတ်မွတ်နေတဲ့ အရာလေးတစ်ခု.. ပြည့်ဝပြန်ပြီလေ..


ရာထူးတိုးတယ်.. ဝါတိုးတယ်.. အဘွားတဲ့.. အဒေါ်တဲ့.. ဦးလေးတဲ့..  အမှန်တော့ ကြည်နူးစရာ သတ်မှတ်ချက်ကလေးတွေပေါ့..


ဝေးကွာနေတဲ့.. အလှမ်းကွာနေတဲ့.. ပျောက်ရှနေတဲ့.. ဒီမိသားစုလေးထဲ.. အူဝဲ.. အူဝဲ အော်သံနဲ့အတူ.. သာယာချမ်းမြေ့ခြင်းတွေ.. တစ်နေ့ ကြုံလာရတော့မယ်တဲ့... တွေးတွေးပြီး ကြည်နူးစရာပေါ့..

Saturday 20 April 2013

:(


နေ့တိုင်းပုံမှန်
ရောက်ရှိနေတဲ့
နေရာဒေသတစ်ခုက
ငါ့ ရင်အနာကို ပိုပြီး ထိုးဆွစေသတဲ့လား..

အဖြူက အပြာအဖြစ်
အပြာက အနီအဖြစ်
တရစ်ရစ် အရောင် ပြောင်းသွားပေမဲ့
တခါတခါကျ
အဖြူရောင်ကို စွန်းထင်းစေသူ
ငါ.. မဖြစ်ချင်ခဲ့ပြန်ဘူးလေ..

Tuesday 2 April 2013

နင်နဲ့ငါ

" ဒိန်း "

ကောင်းကင်ပြိုကျတဲ့ အဖြစ်လား
ထန်းလက်ကာရတဲ့ အဖြစ်လား
မြည်ဟီးသံက အန န္တ

အရင်းစစ်တော့
ဖြစ်တည်တာက
ရင်ခွင်နက်က.. တုန်ဟီးသံ

Monday 1 April 2013

ရူးတယ်


ရူးတယ်...

ထူးမခြားနား ဇာတ်လမ်း
က ဖို့..
ထူးထူးခြားခြား ..
ခေါင်းခါးခြေလက်..
အသက်ဝင်အောင်..
ငါ ကြိုးစားခဲ့တယ်..


ရူးတယ်..

ဖြစ်ချင်တိုင်းလည်း
မဖြစ်တဲ့ ဘဝကို..
ငါ့အတွက်၊ ငါ့ဖို့..
အတင်းဖြစ်ညှစ်
သံယောင်လိုက်ယူခဲ့တယ်..


Thursday 7 March 2013

နွမ်းလျဒီဇင်ဘာ

တစ်နှစ်ပြီး တစ်နှစ် ကုန်ခဲ့ပြန်ပြီ..
တစ်နှစ်ပြီး တစ်နှစ် ပျော်ခဲ့ပြီးပြီ..
ဒီတစ်နှစ်လည်း.. နှစ်စဉ်နှစ်တိုင်းလို.. ပျော်ရွှင်ရမည်ပေါ့….
မျှော်လင့်ခဲ့တယ်.. ထင်မှတ်ခဲ့တယ်.. ယုံကြည်ခဲ့တယ်….
ဒါပေမဲ့လည်း…..

                                            …………………………………


မျက်လုံးတွေ… မျက်လုံးတွေ…
သနားတာလား.. ဂရုဏာသက်တာလား….
စုပ်တသပ်သပ်နဲ့..
ခန်းမကြီး အပြည့်.. မျက်လုံးတွေ..
မမြင်ပါရစေနဲ့… မကြည့်ပါရစေနဲ့.. မကြည့်နေကြပါနဲ့…


Tuesday 26 February 2013

စိတ်နှင့်ခေါင်းအုံး


ကိန်းဂဏန်းတွေ ပြေးလွှားနေတဲ့.. အမြင်တွေ
တရိပ်ရိပ်နဲ့ မူးနောက်လာတဲ့ .. အာရုံတွေ
တဒိတ်ဒိတ်နဲ့ တုန်မြည်လာတဲ့.. ရင်ခုန်ခြင်းတွေ..


အသက်ရှုသံတွေ ပြင်းထန်လာတယ်..
ဆွဲငင်ရာကို လွင့်ပါ မျောတယ်..
တွေးလိုရာ.. စီးဝင်တွေးတယ်..


ဘာတွေ ဘယ်ရောက်ရောက်..
လာပါ ခေါ်သူနောက်..
တကောက်ကောက် လိုက်ဖို့ ကြံမိပြန်တယ်..


ရုန်းထွက်နိုင်ဖို့ ခဲရင်း ပြန်တော့..
အထိအတွေ့ သာယာမိပြန်တယ်..
ဘာပဲပြောပြော..
အေးချမ်းခြင်း နိဗ္ဗာန်လေး..
ရှာဖွေတွေ့ရင်း...
စီးမျော ခံစားမိခဲ့ပြန်တယ်လေ.....။




ကေပိုး
9:00 PM.
25.2.2013.

Saturday 9 February 2013

မသိပါဘူးခမျာ..


ကျွန်တော်လား..
အဲ့နေ့ကို သတိမရပါဘူးဗျာ..
ဒါမယ့်.. ခများပြောတဲ့ ဗာလင်တိုင်းဆိုလား.. ဘာတိုင်းဆိုလား
အဲ့နေ့တော့ သိတယ်ခမျ..
ဘာလို့လည်းဆိုတော့..
မနှစ်က အဲ့နေ့မှာ.. ရပ်ကွက်ထဲက ကောင်မလေးတွေဗျာ..
ဝတ်ကောင်းစားလှလေးတွေ ဝတ်လို့..
လမ်းတောင် မလျှောက်ပါဘူး..
လမ်းမကြီးဆီ ရောက်ဖို့..
ကျွန်တော့် ဆိုက်ကား.. ငှားစီးတယ်လေဗျာ..
အဲ့နေ့အတွက်.. မနက်ရော.. ညပါ..
နင်းကြေး မတရား ရတာမို့..
အဲဒီနေ့လေးတော့.. မှတ်ထားခဲ့တာ မဟုတ်ဘူး..
မှတ်မိနေခဲ့တာဗျ..

Saturday 19 January 2013

ကျွန်မနှင့် ဝန်ဆောင်မှု



မင်္ဂလာပါရှင်..
ကျေးဇူးတင်ပါတယ်ရှင်..


ကြားနေကျ အလွယ်ကူဆုံးစကားလေးတွေပါ.. လောကဝတ်လို့ပဲဆိုဆို.. လူ့ကျင့်ဝတ်လိုပဲ ဆိုဆို.. နေ့စဉ်လူမှုဘဝထဲ မြင်ရ ကြားရနေတဲ့ အလွယ်ကူဆုံး စကားလုံးတွေပါ.. အဲဒီစကားလုံးတွေကို နှုတ်က လွယ်လွယ် ထွက်နိုင်ကြသလားလို့.. မေးကြည့်ရင် .. ထွက်နိုင်တယ်လို့.. လူတော်တော်များများ. ဖြေကြဦးမှာပါ.. အဲဒီလိုပဲ.. ကျွန်မလည်း အရင်က ထင်မြင်ခဲ့ဖူးပါတယ်.. အဲလို ထင်မြင် မိတယ်ဆိုရင်.. တစ်ချက်တော့ စဉ်းစားကြည့်ကြတာပေါ့.. Customer Service ဆိုတဲ့ သင်တန်းတွေ.. ဘယ်မှာလာ  ပေါ်ပေါက် လာနိုင်မှာပါလဲလို့..



အရင်က ကျွန်မ.. အဲဒီလို service ပေးရတဲ့ အလုပ်ဆိုတာကို လွယ်ကူမယ် ထင်ခဲ့ဖူးတယ်.. ကိုယ်ကိုယ်တိုင် တကယ်တမ်း လုပ်ဖြစ်ပြီဆိုတော့မှ .. အရမ်းကို ခက်ခဲမှန်း သိလိုက်ရတယ်.. ကျွန်မလုပ်နေတဲ့ ကုမ္ပဏီက.. အထူးသဖြင့်တော့.. customer ကို service နိုင်နိုင်ပေးရတဲ့.. လုပ်ငန်းတစ်ခု.. အဲဒီလုပ်ငန်းရဲ့ operation ပိုင်းကို တစ်ခါမှ မဝင်ရောက်ဖူးခဲ့တော့.. service ပေးခြင်း ဆိုတဲ့ နည်းလမ်းတွေ၊ နည်းနိဿယတွေ ဘာတစ်ခုမှ မသိခဲ့ပါဘူး.. သူငယ်ချင်းတွေနဲ့ ပြောပြောနေတဲ့.. smile.. smile... ဝီစကီ.. ဝီစကီ ဆိုတာတွေနဲ့.. တော်သင့်ရုံ လူမှုဆက်ဆံရေးလေးနဲ့.. ရီပြရတာတွေနဲ့.. ထင်တစ်လုံး ရမ်းနေတဲ့ ကျွန်မ.. service ဆိုတဲ့ အလေ့အကျင့်.. service ပေးခြင်းရဲ့ စိတ်ခံစားချက်တွေကို.. လက်တွေ့ကျကျ သိမြင်လိုက်တော့မှ တကယ် မလွယ်မှန်း သိလာခဲ့ရပါတယ်..

Wednesday 2 January 2013

၂၀၁၂ သို့.. နှစ်ချုပ်စာရင်းတင်ခြင်း

 မနေ့က ၂၀၁၃ ပြောင်းတယ်..
၂၀၁၂ က မနေ့တစ်နေ့ကလိုပါပဲ..
အသစ်ရောက်လာတဲ့နှစ်က ပျော်ရွှင်ခြင်းတွေကို ဆောင်ယူလာမှာလား.. ဝမ်းနည်းခြင်းတွေကို ဆောင်ကျဉ်းလာမှာလား.. ကြိုပြီး မမြင်နိုင်တာတော့ အမှန်ပါပဲ.. ဘာတွေပဲဖြစ်ဖြစ်.. တားဆီးမရစွာပဲ.. နှစ်သစ်တစ်ခုက မြန်မြန်ဆန်ဆန် ချဉ်းနင်း ဝင်ရောက်လာခဲ့ပြန်တယ်..


သက္ကရာဇ်တစ်နှစ်တိုးလာတော့.. အသက်က တစ်နှစ်ကြီးလာပြန်တယ်.. နောင်တတရားတွေ ပိုလာခဲ့သလို.. ပျော်ရွှင်ကျေနပ်ခြင်းတွေလဲ ရင်မှာ ပိုက်လာခဲ့ပြန်တယ်.. မွေးကင်းစက ဒီအရွယ်အထိ.. ဖြစ်ပျက်ပြောင်းလဲတာတွေ သေချာမှတ်မိဖို့ဆိုတာ.. ဝေးလို့ နေခဲ့ပြန်တယ်.. ဟိုအရင်ချိန်တွေကို ပြန်တမ်းတဖို့ဆိုတာထက်.. ပြီးခဲ့တဲ့ ၂၀၁၂ ကိုတောင် အလုံးစုံမှတ်မိနိုင်ဖို့ ဦးနှောက်က အလုပ်မလုပ်နိုင်ခဲ့ပြန်ဘူး.. ဒါကို ယူတတ်ရင် သံဝေဂလို့ ကင်ပွန်းတပ်ချင်တယ်.. ကိုယ်လဲ မငယ်တော့ဘူးကိုး…